IMG_4316

2019թ. հունիսի 2-ին «Ջավախքին աջակցություն» հիմնադրամի աջակցությամբ Երևանի շոկոլադի գործարանում տեղի ունեցավ երեխաների պաշտպանության օրվան նվիրված տոնակատարություն:

Միջոցառումն ուղեկցվեց հայկական ազգային երգ-երաժշտությամբ, փահլեվանով, հայկական ժողովրդական հեքիաթների հերոսներով և այլ ավանդական կերպարներով ու խաղերով: Տեղի ունեցավ նաև «Քաջ Նազար» հեքիաթի բեմադրությունը, որը մեծ խանդավառությամբ դիտեցին օրվա չարաճճի հերոսները, իսկ հնի ու նորի խաչմերուկում հայտնված դինոզավրերը ապահովեցին երեխաների լուսավոր ժպիտներն ու դրական էմոցիաները:

Միջոցառմանը մասնակցում էին մանկատան և անապահով ընտանիքների փոքրիկները, գործարանին կից  բնակվող, աշխատակիցների և ջավախցի երեխաները, որոնց գունեղ օրն ամփոփվեց փոքրիկ նվերներով:

Այս համամարդկային տոնը նշվում է ամբողջ աշխարհում և նորից վկայում, որ մոլորակի բոլոր փոքրիկները խաղաղ, երջանիկ, անհոգ ու լուսավոր մանկություն ունենալու իրավունք ունեն:

Միջոցառմանը աջակցում էին նաև «Սովռանո», «Վիդիս Դիստրիբյուշն», «Դիստրիմեքս», «Յունիքորն Թրեյդ» ընկերությունները:

 

03 Հունիս 2019