Ջավախքյան գույները հայ և վրացի նկարիչների կտավներում

Ջավախքի գույները, տեսարժան ու տուրիստական նշանակության վայրերը, մշակութային կոթողները նոր կյանք ստացան հայ և վրացի նկարիչների կտավներում։

290270898_733794404407410_5422131484900758407_n

Հունիսի 22-ից 25-ը Ջավախքում անցկացվեց «Համատեղ հայացք Սամցխե-Ջավախեթիին» խորագրով հայ-վարացական պլեներ-փառատոնը և բացվեց համանուն ցուցահանդեսը։ Կազմակերպիչը «Ջավախքին աջակցություն» հիմնադրամն է, «Սփյուռքահայ ուսանողների խորհուրդ» ՈՒՀԿ-ի,  ՀՀ կրթության, գիտության, մշակույթի և սպորտի նախարարության, Հայաստանի և Վրաստանի նկարիչների միությունների հետ համատեղ։

Շուրջ 25 հայ և վրացի նկարիչներ Երևանից, Թբիլիսիից և Ջավախքից չորս օր շարունակ եղան Ջավախքի տարբեր գյուղերում ու քաղաքներում, տեսարժան վայրերում և իրենց տեսածն ու զգացածը փոխանցեցին կտավին՝ յուրաքանչյուրն իրեն հատուկ գունապնակով։

289850450_608734890376075_7415178978027721364_n

Փառատոնի 3-րդ օրը՝ Հունիսի 24-ին Ախալցխա քաղաքում մեկ օրով բացվեց «Համատեղ հայացք Սամցխե Ջավախեթիին» խորագրով հայ-վրացական ցուցահանդեսը, որտեղ ցուցադրվեց փառատոնի մասնակիցների շուրջ 70 կտավ։

«Ջավախքին աջակցություն» հիմնադրամի գործադիր տնօրեն Սամվել Մկոյանի խոսքով հիմնադրամը մեծ տեղ է տալիս մշակույթի որոլորտի զարգացմանը, որը մշտապես ՋԱՀ-ի ուշադրության կենտրոնում է. «Ասածիս  վառ ապացույցն են նմանօրինակ պլեներ-փառատոները, ցուցահանդեսները, հիմնադրամի կողմից հիմնադրված աշուղ Ջիվանու տուն-թանգարանն ու Վահան Տերյանի տուն-թանգարանի վերականգնված ցուցասրահը։ Հայ-վրացական նմանօրինակ համագործակցության ծրագրեր առաջիկայում դեռ շատ կունենանք», -ասաց պարոն Մկոյանը։ _H5A3611-minԲացմանը ներկա էր ՀՀ ԿԳՄՍ նախարարի տեղակալ Արայիկ Խազմալյանը։ Նա նշեց, որ դարերով հայերը և վրացիները կողք կողքի ապրելով բավարար չափով չեն ճանաչում միամյանց, իսկ միմյանց ճանաչելու լավագույն եղանակը մշակույթն է. «Նման մշակութային միջոցառումներով մենք պետք է նպաստենք երկու ժողովուրդների փոխճանաչմանը։ Մեր նախաձեռնությունները պետք է լինեն համատեղ՝ մեր վրաց գործընկերների հետ։ Մենք ՋԱՀ-ի հետ շատ լավ համագործակցության փորձ ունենք և կարծում եմ առաջիկայում նմանօրինակ ծրագրեր շատ կունենանք։ Իսկ մեր սրահն այսօր ողողված է կանաչով, կտավներում ամենագերակշռող գույնը կանաչն է։ Շնորհավորելով բոլոր ներկաներին ուզում եմ մաղթել, որ այս բարդ ժամանակներում մեր կյանքը ողողված լինի այս կանաչով և բնության և մարդու հանդեպ այս հիացումով», -նշեց պարոն Խզմալյանը։

289758151_443119877296287_854445884168737137_n

Վրաստանի նկարիչների լիգայի տնօրեն Նուգզար Մելաձեն իր ելույթը սկսեց հայերեն իր իմացած մի քանի արտահայտությամբ. «Շատ, շատ լավ եմ..., այնուհետև շարունակեց. «Ցանկանում եմ շնորհակալություն հայտնել կազմակերպիչներին նման հրաշալի մշակութային նախագիծ իրագործելու համար։ Նկարները տարբեր, բայց միաժամանակ յուրովի գեղեցիկ են։ Յյուրաքանչյուր թանգարան կուզենա նմանօրինակ գոնե մի նկար ունենալ։ Շնորհակալ եմ Ձեր վերաբերմունքի և այսքան ջերմ ընդունելության համար»։

Հայաստանի նկարիչների միության նախագահ Սուրեն Սաֆարյանը միանալով բոլոր շնորհավորանքներին, նշեց. «Ուրախ եմ, որ ՀՀ նկարիչների միությունը մաս կազմեց այս նախաձեռնությանը, որն իրականացվում է ՋԱՀ-ի կողմից։ Նկարիչների միությունը շատ է կարևորում մշակութային կապը Ջավախքի հետ և այս նախագծով հիմք է դրվում մշակութային երկար համագործակցության։ Ամենակարևոր հանգամանքն այն է, որ Ջավախքը կապ է հանդիսանում Հայաստանի և Վրաստանի մեր գործընկերների հետ և շատ ուրախ ենք որ հնարավորություն ստեղծվեց համագործակցելու և միասին ստեղծագործելու», -ասաց պարոն Սաֆարյանն ու հավելեց. «Հիացած ենք Ջավախքի բնությամբ և հեռանալու ենք սպասումով, որ նորից վերադառնալու ենք այս հրաշալի Ջավախք աշխարհ»։_H5A3680-min

 

Ծալկայի շրջանում բացվեց 1-ին «ԱրՄաթ» կենտրոնը

IMG_6449Մայիս 21-ին Ծալկայի շրջանի Օզնի գյուղը մարդաշատ էր. Հայ և վրացի պաշտոնյաներին, կրթության և մշակույթի ոլորտի ներկայացուցիչներին մեկ տեղում միավորել էր շրջանում առաջին «ԱրՄաթ» կենտրոնի բացումը։

IMG_8733«Ջավախքին աջակցություն» հիմնադրամի(ՋԱՀ) գործադիր տնօրեն Սամվել Մկոյանը նշեց, որ հիմնադրամը մեծ տեղ է տալիս ՏՏ ոլորտի զարգացմանը։ Հենց այդ նպատակով 2018 թվականին ՋԱՀ-ը, ԱՏՁՄ-ի հետ համագործակցությամբ ու անհատ բարերարների ու կազմակերպությունների ֆինանսավորմամբ «Արմաթ» նախագիծը բերեց Ջավախք. «Ջավախքում արդեն գործում են թվով 10 «ԱրՄաթ» կենտրոններ, իսկ Քվեմո Քարթլի նահանգի Ծալկայի շրջանում սա առաջին կենտրոնն է, որտեղ արդեն իսկ սովորում են շուրջ 60 երեխա։ Մեր ծրագրերը մշակում և իրականացնում ենք համաձայնեցնելով տեղական ինքնակառավարման մարմինների հետ։ Վերլուծելով կարիքները հասկացանք, որ անհրաժեշտ է «ԱրՄաթ» կենտրոնի ներդրումը նաև Ծալկայի շրջանում, ինչը նպաստում է  ոչ միայն երեխաների այլև նաև Վրաստանի տնտեսության զարգացմանը», -ասաց պարոն Մկոյանը։

Օզնիում ԱրՄաթի հիմնման ծրագիրն իրականացվել է «Ջավախքին աջակցություն» հիմնադրամի (ՋԱՀ), «Հ. Հովնանյան ընտանեկան հիմնադրամ»-ի, Առաջատար տեխնոլոգիաների ձեռնարկությունների միության (ԱՏՁՄ) հետ գործընկերությամբ և բարերար Ռազմիկ Բլիկյանի ֆինանսական աջակցությամբ:

IMG_8861«Հ.Հովնանյան ընտանեկան» հիմնադրամի գործադիր տնօրեն Նաիրա Մելիքյանը ընդգծեց, որ Օզնիի «ԱրՄաթ» կենտրոնը արդեն երրորդն է, որ  հիմնել են ՋԱՀ֊ի հետ համագործակցությամբ. «Ելնելով սերնդի դաստիարակության ու ճիշտ գաղափարի շուրջ համախմբելու գործոններից հասկացանք, որ լավագույն ներդրումը Ջավախքում «ԱրՄաթ» կենտրոնի ֆինանսավորումն է», -նշեց տիկին Մելիքյանն ու հավելեց, որ «Այստեղ պետք էր ստեղծել մի կենտրոն որի հետ երիտասարդներն ու պատանիները կկապեն իրենց ապագան ու հեռանկարները»։

Օզնիյում «ԱրՄաթ» կենտրոնը գործում է Արմենակ Ավագյանի տանը, որը նա տրամադրել է անհատույց, իսկ վերանորոգումն ու կառուցապատում իրականացվել է ծնունդով Օզնեցի բարերար Ռազմիկ Բլիկյանի կողմից։ IMG_8922Պարոն Բլիկյանի խոսքով ՏՏ ոլորտի զարգացումը բխում է ժամանակի պահանջներից. «Սա էր պատճառը որ ՋԱՀ-ի հետ մղվեցինք դեպի այս կարևոր նախաձեռնությունը, որն արդեն մեծ արձագանք է գտել։ Միայն ասեմ, որ այստեղ սովորող երեխաների թիվն ավելի մեծ է, քան դպրոց հաճախողների թիվը։ Օզնիի «ԱրՄաթ» կենտրոն հաճախում են նաև հարևան գյուղերի երեխաները ինչը շատ ուրախալի է», -ասաց պարոն Բլիկյանը։

«Երեխաներն այստեղ սովորում են ծրագրավորում, ռոբոտաշինություն և եռաչափ մոդելավորում, որոնք ապագայի ամենապահանջված մասնագիտություններից են», ասում է «Արմաթ» ծրագրի ղեկավար  Սեդրակ Վարդանյանը և պատասխանում շատերի կողմից հնչող հարցին, թե՞ որ տարիքի երեխաները կարող են հաճախել կենտրոն. «10 տարեկանից մինչև 99 տարեկանները կարող են հաճախել կենտրոն և սովորել ժամանակի ամենապահանջված մասնագիտությունները»։

IMG_8768Միջոցառմանը մասնակցում էին հայ և վրացի պաշտոնյաներ, տեղական ինքնակառավարման մարմինների ներկայացուցիչներ։ Ներկա էր Վրաստանում Հայաստանի դեսպան Ռուբեն Սադոյանը, ով նշեց, որ նմանօրինակ կրթական կենտրոնների բացումը համազգային նշանակություն և կարևորություն ունեն, քանի որ շատ կարևոր է տեղի պատանիների համար ստեղծել տեղում կրթվելու և աշխատելու հավելյալ հնարավորություններ։ «Մարդիկ այստեղից չպետք է արտագաղթեն կրթության ու աշխատանքի հնարավարություն չունենալու պատճառով, հակառակը պետք է մնան տեղում սովորեն, աշխատեն և ծաղկեցնեն շրջանը», -ասաց պարոն Սադոյանը։

IMG_8786Ներկա էին նաև Ծալկայի  փոխքաղաքապետեր  Անզոր Խինիկաձեն և Ֆեուխար Պարասկևովը, ովքեր հայտնեցին կենտրոնի բացման հետ կապված իրենց ուրախությունն ու ոգևորությունը, ինչպես նաև Ծալկայի քաղաքապետի անունից հայտարարեցին, որ ցանկանում են նմանատիպ կենտրոն ունենալ նաև Ծալկա քաղաքում։

 Ծրագրի նպատակն է խթանել   Ջավախքում տեխնոլոգիական կրթության զարգացմանը, տեխնոլոգիական զբաղվածության ընդլայնմանը, հավելյալ տնտեսական ակտիվությանն ու ստեղծել աշխատանքի հնարավորություններ, ինչպես նաև հայրենիքը չլքելու հեռանկարներ:

 Գոռ Սիմոնյանը հենց այն երիտասարդներից մեկն է, ով հնարավորություն ունի մնալ և աշխատել հայրենի գյուղում. «Երեխաների մոտ սերը դեպի ժամանակակից տեխնոլոգիաները և նմանատիպ նորարարկան դասապրոցեսների մասնակցելը շատ մեծ է և գնալով ավելի է մեծանում։ Տարածաշրջանում նմանը չունեցող կենտրոնում երեխաները կտրվում են դասապրոցեսի ավանդական պատկերացումներից և կարող են գնալ իրենց երևակայության ետևից և իրենց բոլոր գաղափարներին տալ գույն, միտք ու ծավալ։ Երեխաների հետ ոչ այնքան ուսուցիչ-աշակերտ հարաբերությունների մեջ եմ, որքան ընկերական։ Եվ իմ գիտելիքներով կենտրոն հաճախող երեխաներին փորձելու եմ օգնել կյանքի կոչել բոլոր այն գաղափարները, որ մինչ այս ունեցել են», -նշում է կենտրոնի երիտասարդ խմբավար Գոռ Սիմոնյանը։

 

ՋԱՀ-ը «Աջակցություն ջավախքցիներին» ծրագրի շրջանակներում Նինոծմինդա քաղաքում էր

Դեկտեմբերի 15-ին և 16-ին ՋԱՀ-ը «Աջակցություն ջավախքցիներին» ծրագրի շրջանակներում Նինոծմինդա քաղաքում էր։
Ծրագրի շահառուները՝ սոցիալապես անապահով ընտանիքները, սահմանափակ կարողություններ ունեցող անձինք և ծնողազուրկ երեխաները ստացան համապատասխան աջակցություն՝ ֆրանսիական բարձորակ վերարկուներ, ժիլետներ և այլն։
Դեկտեմբերի 21-23-ը ծրագիրը կիրականացվի Ախալքալաք քաղաքում՝ ՋԱՀ-ի գրասենյակում (Ծերեթելի 34)։
Հիշեցնենք, որ «Ջավախքին աջակցություն» հիմնադրամը Հայկական Բարեգործական Ընդհանուր Միության հետ համատեղ իրականացնում է «Աջակցություն ջավախցիներին» ծրագիրը, որի շրջանակներում Ջավախքում բաժանվում է ֆրանսիական բարձրակարգ իրեր։

Բացվեց «Բացահայտենք Ջավախքը» խորագրով լուսանկարչական ցուցահանդես

Այսօրվանից սկսած մինչև նոյեմբերի 10-ը երևանի կենտրոնում կգտնեք փոքրիկ Ջավախքյան անկյուն իր յուրահատուկ գույներով, համուհոտով ու ավանդույթներով։ Մելիք Ադամյան 2/2 հասցեում գտնվող ՀԲԸՄ Հայաստան դահլիճում այսօր բացվեց «Բացահայտենք Ջավախքը» խորագրով լուսանկարչական ցուցահանդես, որտեղ ցուցադրված են համանուն լուսանկարչական արշավի մասնակիցների Ջավախքյան բնապատկերներն ու կոլորիտը ներկայացնող լուսանկարները: Նշենք, որ «Ջավախքին աջակցություն» հիմնադրամը ՀՀ Կրթության, գիտության, մշակույթի և սպորտի նախարարության, Հայ լուսանկարիչների ազգային ասոցիացիայի և Հայկական բարեգործական ընդհանուր միության հետ համագործակցությամբ օգոստոսի 27-29-ը կազմակերպել էր «Բացահայտենք Ջավախքը» խորագրով եռօրյա լուսանկարչական արշավ: Ծրագրի մասնակիցները՝ հայ և վրացի լուսանկարիչներ Հայաստանից և Վրաստանից, երեք օր շարունակ եղել են Ջավախքի տարբեր շրջաններում, գյուղերում ու քաղաքներում, ծանոթացել գյուղական բնակավայրերի կյանքին ու բարքերին և իհարկե լուսանկարել են այն ամենն ինչ իրենց զարմացրել, հիացերլ ու տպավորել է։ ՋԱՀ-ի հոգաբարձուների խորհրդի նախագահ Սոս Սահակյանը նշեց, որ ՋԱՀ-ն ունի մշակութային ծրագրերի մեծ փաթեթ, իսկ այս լուսանկարչական ցուցահանդեսն ու դրան նախորդած լուսանկարչական արշավը դրանցից հերթականներն էին.«Հիմնադրամն իր առաջ շատ բարձր նշաձող է դրել և կորոնավիրուսի պայմաններում անգամ ՋԱՀ-ը կարողացավ աշխատել և էլ ավելի արդյունավետ իրականացնել ամենատարբեր ծրագրեր Ջավախքում։ Իսկ այս ցուցահանդեսը շատ կարևոր է Ջավախքի կյանքի տարբեր ոլորտները ներկայացնելու իմաստով։ Այստեղ դուք կտեսնենք ջավախքցու հայացքը, աշխատանքը, հավատքն ու եկեղեցին, տունն ու բնաշխարհը»։ ՀՀ ԿԳՄՍ նախարարի տեղակալ Արայիկ Խզմալյանը սրահում շրջելուց հետո ասաց, որ առավելագույնս հավանել է այն լուսանկարները որոնցում արտացոլված են ջավախքյան կենցաղը, որտեղ կան մարդկային դեմքեր, ժպիտներ, իրականություն, ընտանիք, օջախ. «Մեծ պատիվ է համագործակցել ՋԱՀ-ի հետ, քանի որ այն ինչ անում է հիմնադրամը ջավախքում, անում է ամենաբարձր մակարդակով ու մշակութային չափանիշներով։ Վերջերս ներկա էի նաև Վահան Տերյանի վերականգնված ցուցասրահի բացմանը և պետք է ասեմ, որ հաճելիորեն զարմացած եմ ճաշակի, հետևողականության, պրոֆեսիոնալ մոտեցման ու արված աշտանաքի վրա։ ՋԱՀ-ը թելադրում է բարձր ճաշակ, բարձր չափանիշներ և վստահ եմ, որ հետագայում էլ ավելի սերտորեն ենք համագործակցելու ամենատարբեր ծրագրերի շրջանակներում»։ Ցուցահանդեսի բացմանը Հայ լուսանկարիչների ասոցացիայի նախագահ Սերգեյ Հակոբյանը, ով լուսանկարչական արշավի ընթացքում մասնակիցների հետ կիսվել է իր փորձով ու գիտելիքներով, նշեց, որ Ջավախքը հիացրել է իր բնապատկերներով, մարդկանցով, ավանդույթներին ու հավատքին իրենց կառչածությամբ ու առեղծվածային ու գեղեցիկ վայրերով, որոնք անսպառ են. «Շատ դժվար էր առանձնացնել այն լուսանկարները, որոնք ունեն ասելիք և դիտողին ինչ որ բան կպատմեմ Ջավախքի առօրիայի ու կենցաղի մասին»։ ՋԱՀ-ի  գործադիր տնօրեն Սամվել Մկոյանն էլ նշեց, որ ««Բացահայտենք Ջավախքը» արշավի նպատակն էր բացահայտել Ջավախքը, քանի որ շատ քչերն են ծանոթ տարածաշրջանին, կենցաղին ու ավանդույթներին։ Իսկ տարածաշրջանը շատ հարուստ է թե՛ իր բնաշխարհով, թե՛ ավանդույթներով ու սովորություններով և թե՛ մարդկանցով։ Այստեղ բնականաբար շատ փոքր մասն է ներկայացված, սակայն փորձել ենք երեք օրվա ընթացքում լինել որոշ գյուղերում ու քաղաքներում», -ասաց պարոն Մկոյանը։ Միջոցառման ընթացքում լուսանկարչական արշավի մասնակիցներին տրվեցին վկայակայագրեր իսկ փորձագետներին շնորհակալագրեր։ Հիշեցնենք, որ «Բացահայտենք Ջավախքը» խորագրով ցուցահանդեսը ՀԲԸՄ դահլիճում կգործի մինչև նոյեմբերի 10-ը։  

Ղաուրմա գյուղում տեղի ունեցավ Խաչքարի օծում և բացում

Օրերս Նինոծմինդայի մունիցիպալիտետի Ղաուրմա գյուղում տեղի ունեցավ Խաչքարի բացման պաշտոնական արարողություն, որը գյուղի բնակիչների համար կծառայի որպես սրբատեղի: Միջոցառման ընթացքում Հայ առաքելական եկեղեցու Վիրահայոց թեմի առաջնորդ Վարդապետ Տեր Կիրակոս Դավթյանի և Տեր Արմաշ քահանա Պողոսյանի գլխավորությամբ կատարվեց Խաչքարի օծման արարողություն: Խաչքարը տեղադրվել է Ղաուրմա գյուղի զավակ Սայաթ Մկրտչյանի նախաձեռնությամբ և ֆինանսական աջակցությամբ իսկ քանդակագործը Արա Ղարսլյանն է: Խաչքարի բացմանը ներկա էր նաև «Ջավախքին աջակցություն» հիմնադրամի գործադիր վարչությունը:

Ջավախքում անցկացվեց «Բացահայտենք Ջավախքը» խորագրով լուսանկարչական արշավ

Օգոստոսի 27-ից 29-ը Ջավախքում անցկացվեց «Բացահայտենք Ջավախքը» խորագրով եռօրյա լուսանկարչական արշավ, որը կազմակերպել էր «Ջավախքին աջակցություն» հիմնադրամը (ՋԱՀ) ՀՀ Կրթության, գիտության, մշակույթի և սպորտի նախարարության հետ համագործակցությամբ: Ծրագրի մասնակիցները՝ հայ և վրացի լուսանկարիչներ Հայաստանից, Սփյուռքից և Ջավախքից երեք օր շարունակ եղան Ջավախքի ամենագեղեցիկ ու թաքնված անկյուններում, այցելեցին Ախալքալաքի, Նինոծմինդայի, Ախալցխայի ու Ասպինձայի շրջանների գյուղեր ու քաղաքներ, տեսարժան վայրեր և մշակութային կոթողներ, ծանոթացան գյուղական բնակավայրերի կյանքին, բարքերին ու առօրյաին և իրենց տեսածը, զգացածն ու տպավորությունները ֆիքսեցին ֆոտոխցիկի միջոցով: Ծրագրի վերջին օրը մասնակիցները եղան նաև Գանձա և Կարզախ գյուղերում, ՋԱՀ-ի կողմից հիմնադրած և վերականգնած աշուղ Ջիվանու ու Վահան Տերյանի տուն-թանգարաններում: Ծրագրի շրջանակներում անցկացվեցին նաև վարպետության դասեր, որոնք վարեցին աստղալուսանկարիչ Ինգա Ավանեսովան և «Հայ լուսանկարիչներ» ազգային ասոցիացիայի նախագահ, լուսանկարիչ Սերգեյ Հակոբյանը:

Ջավախքում բացվեց Վահան Տերյանի ցուցասրահը

Օգոստոսի 1-ին Ջավախքի Գանձա գյուղի օդը լիքն էր Տերյանով, բոլորը խոսում ու ապրում էին տերյանական պոեզիայով: Տերյանը միշտ ներկա է Գանձայում, սակայն նրան հիշելու շատ կարևոր ու առանձնահատուկ առիթ կար: Նշանավոր հայ բանաստեղծ, քնարերգու և հասարակական-քաղաքական գործիչ Վահան Տերյանի հայրենի Գանձա գյուղում բացվեց նրա տուն-թանգարանի վերականգնված ցուցասրահը: 2019 թվականին Տերյանական օրվա ժամանակ «Ջավախքին աջակցություն» հիմնադրամի պատվիրակությունը հայտարարեց այն մասին, որ պատրաստվում է նախաձեռնել Վահան Տերյանի տուն-թանգարանի վերականգնումը, քանի որ այն գտնվում է անմխիթար վիճակում։ Ու չնայած 2020 թվականը լի էր դժվարություններով, համավարակի և պատերազմի պայմաններում անգամ ՋԱՀ-ը կարողացավ աշխատել ու իրականացնել ծրագիրը: Վահան Տերյանի տուն-թանգարանի ցուցասարհի վերականգնման աշխատանքները տևեցին շուրջ մեկ տարի: Ծրագիրը կյանքի է կոչվելու երեք փուլով. Առաջին փուլով նախատեսվում էր վերականգնել տուն-թանգարանի ցուցասրահը, որն այսօր բացեց իր դռները հանրության առջև: Երկրորդ փուլով նախատեսվում է կազմակերպել հուշային մասի վերականգնումը, երրորդ փուլով վերականգնվելու է ամբողջ համալիրը:228919176_557435152274144_376898899800019948_n ՋԱՀ-ի գործադիր տնօրեն Սամվել Մկոյանը միջոցառման ընթացքում հայտարարեց, որ ազդարարում են ծրագրի երկրորդ փուլի՝ տուն-թանգարանի հուշային հատվածի վերականգնման աշխատանքների մեկնարկի մասին ու նաև հորդորեց  բոլորին միանալ նախաձեռնությանն ու իրենց հնարավորության չափով ներդրում ունենալ այս գործում. «Վահան Տերյանի տուն-թանգարանի ցուցասրահի վերականգնման համար ավելի քան 100.000 լարի է ծախսվել։ Հուշային հատվածի վերականգնումը շատ ավելի մեծ ծախսեր է ենթադրրում և մենք ակնկալում ենք, որ աջակցություն կստանանք թե՛ Վրաստանի և թե՛ Հայաստանի կառավարություններից և այն կդառնա հայ-վրացական համատեղ ջանքերով իրականացված  կարևորագույն ծրագերերից մեկը»: 51349856151_06ec255043_c Տուն-թանգարանի վերականգնված ցուցասրահը աչքի է ընկնում  դիզայներական հարուստ ու գեղեցիկ լուծումներով, եռաշերտ ցուցադրությամբ, ինչպես նաև հագեցած է 21-րդ դարին հատուկ նորարարություններով: Նորաբաց ցուցասրահում մեր բոլորի Տերյանը ներկայացված է նորովի՝ տարբեր ձևաչափերով: Այստեղ Տերյանը նաև կենդանանում է ARLOOPA հավելվածի միջոցով: 229874874_434165724383010_4623346209228607077_nՀՀ Կրթության, գիտության, մշակույթի և սպորտի փոխնախարար Արայիկ Խզմալյանը նշեց, որ անչափ ուրախ է, որ Գանձայում ստեղծվել է նման գրավիչ մշակութային միջավայր. «21-րդ դարում չափազանց կարևոր է, որ պատմության, գրականության և առհասարակ ցանկացած տեղեկատվության վերաբերյալ գիտելիքը, պատանիներին ու երեխաներին փոխանցվի ժամանակակից եղանակով: Այսինքն որքան կարևոր է մշակույթը, նույնքան կարևոր է այդ մշակույթը հետաքրքիր եղանակով մատուցելը: Հայաստանում կրթական, մշակութային ծրագրերի հաջողված փորձեր ունենք, որոնք հուսով ենք շուտով կիրականացնենք նաև այս նորաբաց ցուցասրահում»: Միջոցառման ընթացքում երաժշտական համարներով հանդես եկան Արմեն Մկոյանը, Մուրադ Մալխասյանն ու Վահագն Ռաշը: Ասմունքեցին՝ Գանձայի և Կարզախի երիտասարդները: 194751ՋԱՀ-ի հոգաբարձուների խորհրդի նախագահ Սոս Սահակյանը հիշում է, որ առաջին անգամ Գանձա՝ Տերյանի տուն-թանգարան այցելել է 1965 թվականին և այնտեղից հեռացել մեծ տպավորություններով. «Ավելի չափահաս տարիքում հաջորդ այցելությունների ժամանակ հասկացա, որ Տերյանն ու նրա գործունեությունը շատ ավելի առաջ են ու բարձր քան թանգարանը ապահովում է այդ գործի ներկայացումն ու հանրահռչակումը: Տերյանը, նրա գործունեությունն ու պոեզիան համազգային կարևորություն ունեն, այդ իսկ պատճառով մենք ձեռնարկեցինք տուն-թանգարանի ցուցասրահի վերականգնումը ժամանակի ամենաբարձր պահանջներին համապատասխան ստանդարտներով»: ՋԱՀ-ը հետևողականորեն իրականցնելու է տուն-թանգարանի ամբողջական վերականգնումը, որպեսզի մեր մեծ բանաստեղծ, քնարերգու և հասարակական-քաղաքական գործիչ Վահան Տերյանն ունենա իր անվանն արժանի տուն-թանգարան, որը կդառնա զբոսաշրջային կարևոր կետերից մեկը և հաղորդակից կդարձնի մեզ մեծ բանաստեղծի հետ։ Վահան Տերյանի տուն-թանգարանի ճարտարապետական և շինարարական նախագծի հեղինակները ՀՀ վաստակավոր ճարտարապետ Հովհաննես Մութաֆյանը և Շահանե Գևորգյանն են: Ցուցասրահի արտաքին, ներքին ձևավորման և բովանդակային կոնցեպտի հեղինակները գրականագետ Անի Եղիազարյանն ու նկարիչ Մկրտիչ Մաթևոսյանն են: Նշենք, որ ծրագիրն իրականություն չէր դառնա առանց հիմնադրամի բարերարների ու նվիրատուների։ Իսկ 1000 և ավելի դոլար նվիրատվություն կատարած անձանց անունները փաքցված են թանգարանի ցուցասրահում։